Foxstraatbeleg

Die Foxstraatbeleg verwys na die gyselaasdrama in die Johannesburg 22 Israeliese konsulaat wat op 28-29 April 1975 afgespeel het. David Protter, 'n 26-jarige Suid-Afrikaanse Jood wat by die konsulaat as veiligheidswag gewerk het, het die beleg van stapel gestuur. Hy het ook sy jonger broer Charles Protter, wat as tydelike veiligheidswag by konsulaat gewerk het, by die beleg betrek. Gedurende die voorval het Protter twintig mense gyselaar gehou in die konsulaat en skote binne en buite die konsulaat gevuur.

Tydens die hele beleg van 21 uur is een persoon gedood en 45 gewond. Nuusblaaie het heelwat teenstrydige berigte gepubliseer; een het byvoorbeeld beweer dat vier mense gedood is, twee gyselaars en twee omstanders. Een koerant het die getal beseerdes op so hoog as 82 gestel.

Die beeldmateriaal wat Cliff Saunders en sy span van die gyselaardrama geneem het, is as die eerste nuusberig op Suid-Afrikaanse televisie uitgesaai. Tydens die beleg het die Suid-Afrikaanse Uitsaaikorporasie (SAUK) nog nie 'n televisienuusdiens gehad nie (die eerste televisie-uitsendings sou eers op 5 Januarie 1976 in aanvang neem), maar die beeldmateriaal wat daardie dag opgeneem is, is as so belangrik geag dat dit op die eerste dag toe daar met toetsuitsendings begin is, 5 Mei 1975, uitgesaai is.

Bronne

  • Beukes, A. 2019. Kommentaar deur genl Andre Beukes oor die historiese figuur: Generaal van den Bergh. Nongqai, 10(1), 1 Januarie.
  • Bezuidenhout, Jako. Nou in die verlede: die Foxstraatbeleg, Litnet Rubriek 2020-05-07
  • Daily Bulletin, Lone Gunman Surrenders to Authorities in Johannesburg, 30 April 1975. (besoek 28/4/2022)